Tam Glen

Follow 0 fans

Jean Redpath

Jean Redpath MBE (born 28 April 1937) is a singer of folk songs and Scottish music. more »

Year:

1983

107 Views

Playlists:

#1

 Watch: New Singing Lesson Videos Can Make Anyone A Great Singer

My heart is a-breaking, dear Tittie, 
Some counsel unto me come len', 
To anger them a' is a pity, 
But what will I do wi' Tam Glen? 

I'm thinking, wi' sic a braw fellow, 
In poortith I might mak a fen; 
What care I in riches to wallow, 
If I maunna marry Tam Glen! 

There's Lowrie the Laird o' Dumeller- 
"Gude day to you, brute!" he comes ben: 
He brags and he blaws o' his siller, 
But when will he dance like Tam Glen! 

My minnie does constantly deave me, 
And bids me beware o' young men; 
They flatter, she says, to deceive me, 
But wha can think sae o' Tam Glen! 

My daddie says, gin I'll forsake him, 
He'd gie me gude hunder marks ten; 
But, if it's ordain'd I maun take him, 
O wha will I get but Tam Glen! 

Yestreen at the Valentine's dealing, 
My heart to my mou' gied a sten'; 
For thrice I drew ane without failing, 
And thrice it was written "Tam Glen"! 

The last Halloween I was waukin 
My droukit sark-sleeve, as ye ken, 
His likeness came up the house staukin, 
And the very grey breeks o' Tam Glen! 

Come, counsel, dear Tittie, don't tarry; 
I'll gie ye my bonie black hen, 
Gif ye will advise me to marry 
The lad I lo'e dearly, Tam Glen. 

 Watch: New Singing Lesson Videos Can Make Anyone A Great Singer