Dä Schwadlappe

Follow 0 fans

Klimpermännche Thomas Cüpper

3:57

0 Views

German

 The easy, fast & fun way to learn how to sing: 30DaySinger.com

Jeder hät em Augebleck sing Püngelche zo drage
Häs e Auto, öhntlich flöck, doch keine Sprit zom fahre
Ding Wunnung es jemütlich doch em Winter es se kalt
Denn öm zo stoche fählt et Jeld dröm kläus do Holz em Wald

Janz cool bliev he die Seivermuul, die krabbelt sich d’r Bart
Dä dä dä Lappe luuter schwad su op Schwadlappe Aat

Dat es dä Schwadlappe, dä eine Schwadlappe
Dä stets zor Stell met vill Verzäll
Dat es dä Schwadlappe, jenau dä Schwadlappe
Dä Supermann der alles kann

Nur janz jewess do merks do jod zicks doch
Dat su ne Strunzbüggel och nur met Wasser koch
 
Ding Frau die hät dich hätzlich jän un do mags och ding Frau
Dröm deihs do jetz och jendere denn wä dat deiht es schlau
Dat schöne ahn dä kölsche Aat un dat es keine Stuss
Ov Mann ov Frau ov wat och söns et jitt keine Verdruss

Dä Schlabberschnüss es dat ejal hat ich et ald jesaht?
Dä dä dä Lappe luuter schwad su op Schwadlappe Aat

Dat es dä Schwadlappe, dä eine Schwadlappe
Dä stets zor Stell met vill Verzäll
Dat es dä Schwadlappe, jenau dä Schwadlappe
Dä Supermann der alles kann

Nur janz jewess do merks do jod zicks doch
Dat su ne Strunzbüggel och nur met Wasser koch

Em Müngersdorfer Stadion do jitt et Freud un Leid
Wer hät all Angs vürm schwatze Mann der do dat Fleutche fleut
Hip Hip Hurra et flüch d’r Ball, e Tor för d’r FC
Doch weil do einer Abseits steiht, do fleut die Fleut: enä

Dä Schwadronöres jöck dat nit hä kritt de rude Kaat
Dä dä dä Lappe luuter schwad su op Schwadlappe Aat

Dat es dä Schwadlappe, dä eine Schwadlappe
Dä stets zor Stell met vill Verzäll
Dat es dä Schwadlappe, jenau dä Schwadlappe
Dä Supermann der alles kann

Nur janz jewess do merks do jod zicks doch
Dat su ne Strunzbüggel och nur met Wasser koch

 Become A Better Singer In Only 30 Days, With Easy Video Lessons!