||

Follow 0 fans

Majid Akalai

4:30

0 Views

 Watch: New Singing Lesson Videos Can Make Anyone A Great Singer

Awal yeḍfar-aneɣ
Awal yeḍfar-aneɣ-dd
Awal ittraja-neɣ
Min nejja awaren-aneɣ?

Zeg-wem i nennɛaq
D kenniw idd-yejjin anɛaq
Urid s tjawannt
I zi yugur jeddi ɣer ccarq
Niɣ d leɣben n weɣrum
I zi uma iẓwa yesḥarq
Inni nejja awarn-aneɣ
Tcenqem x-asen d acnaq
Neccin teḍfarem-aneɣ-dd
Tessitimem nejna zegga dd-nfaq

Tewwjet x-aneɣ aɣir-in
Tdewlem manis dd-tusim
Manis dd-nusa ra d neccin
Ɣir jjem-aneɣ di trewliwin
I d melseq d lebyaḍ i teɛnim
D taɣennant terrim-aneɣ wer nessin
A daneɣ tessiɣem zeɛma tifawin
A tisiwin n lefnar di tmeḍlin

Zeg-wem idd-nenɛaq
Nenna-wem-tt di zik
As-nɛawed ra d ass-a
Nenna-tt ra s uɣennij
Zeg-wem idd-nennɛaq
A ifisen teggim am ujij
Qa neccin d tarwa n tmurt
Wer dd-neɣmi deg wexrij

Nnan yina, Nnan yinin
Neccin nenna, Min ɣa nini
Rnan yina, Nyin yinin
Rnin yinin, Deg uyenni
Wennan yenni, Nnʷan yina
Nwan yenni, Yenya wenni

Tanettit zi tnettitt
Tanettit nneɣ nessen-itt
Isniɛmil yifis itt-iweḍḍarn
Yesniɛmil yufa-tt
Yesniɛmil umenneɛruq iweḍḍarn
Iwadem iqern tirit
Tesniɛmil mamma tedwel
Ula d nettat d tanit

Yejjull ma yecca-it
Al ḥama yessexnunnes-itt
Yejjull ma yenɣa-tt
Al ḥuma yesmurḍes-itt
S ufus n tarwa-nnes
Yuza-tt islex-itt
Ad tt-yebḍa tiwecca
Taqeddidt taqeddidt
Tawetwitt tawetwitt

Nnan yina, Nnan yenni
Neccin nenna, Min ɣa nini
Nwan yinin, Yenya wenni

A dawem-ggeɣ tisit
Udem qibalt i wudem
Smuqqlem deg-s s ususem
Ma ad ttwalam udem-nwem
Niɣ d ifis yercem din isem
Ma a deg-s texẓerm
Niɣ ad tqelbem ad tegʷdem
Ad tafem ijjen niɣ tnayen

Tnayen n wudmawen
Ijj di tiṭṭawin ijj deg ufus
Twessgen di tewlafin
Ttwessgen jer legnus
Ttbeẓẓgen i weɛdaw
Aked tawmat drust
Ttɣeẓẓen di tidet
Ssettun deg wemnus

Amnus n wenɛaq
Wi daneɣ yejjin
Neccin a nennɛaq
A nettu rumi nɣerq
A nettu rumi nḥerq
Ifis ixes ad yesfaq
Mala wer tt-issexnunnes
Ttnezlaq

 The easy, fast & fun way to learn how to sing: 30DaySinger.com