Gmeindsversammligs-Polka

Follow 0 fans

Paul Schmidhauser

4:00

0 Views

Playlists:

#1

German

 Become A Better Singer In Only 30 Days, With Easy Video Lessons!

Hüt isch Gmeindsversammlig und s'wird über d'Stüüre gredt
Jede cha sich melde und säge, was er wett
Mer sötti spare, aber wo? Mer weiss es nöd so rächt
De Musigschuel de Zuestupf striiche finded alli schlächt
Mer sött de Lehrer d'Ghälter chürze, rüeft ein' voller Hohn
Der ander heepet: So en Seich, da'sch d'Sach vom Kanton
Warum en Chreisel boue und s'Gmeindhuus renoviere
Mer sött nüt me uusgäh, nüt me inveschtiere

Da staht ein' uf, wo druus-chunnt, und seit: Warum au spare
Mir bruuched Läbesqualität, dänn gsemmer i paar Jahre
Die riichschte Lüüt vo de ganze Wält
Zügled all i euses Dorf und bringed ihres Gält
Drum zoned i! Wer hät da Angst? Was sind das für Allüüre
Wänn mir jetzt investiered, zahled andri eusi Stüüre
Und wänn die Riiche doch nöd chömed, simmer trotzdem riich
Mer händ ja gottseidank de kantonali Stüürusgliich

A de Gmeindsversammlig ghört mer interessanti Sache
Di einte sind zum Brüele, die andere zum Lache
's herrscht ä Bombestimmig vom Aafang bis am Schluss
Sonä Gmeindsversammlig isch en Riese-Gnuss
A de Gmeindsversammlig herrsched strängi Sitte
Für d'Demokratie wird kämpft und gschtritte
Doch um Mitternacht isch's dänn allne Wurscht
Da hocked all im Spunte und lösched ihre Durscht

D'Diskussion isch lang und d'Stimmbürger hitzig
Und uf eimal seit en Oppositionelle rächt spitzig
Zu dem ganze Theater säg ich nume: Nei
Und am Gmeindrat rat i dringend: tretted ab, gönd hei
Da entstaht im Saal e bluetigi Schlacht
Es wird gschlage, kratzt und bisse, s'isch ä wahri Pracht
Und Stimmezeller zelled: Eis, zwei, drei
Da ich verwach i us mim Traum mit 'me luute Schrei

A de Gmeindsversammlig ghört mer interessanti Sache
Di einte sind zum Brüele, die andere zum Lache
's herrscht ä Bombestimmig vom Aafang bis am Schluss
Sonä Gmeindsversammlig isch en Riese-Gnuss
A de Gmeindsversammlig herrsched strängi Sitte
Für d'Demokratie wird kämpft und gschtritte
Doch um Mitternacht isch's dänn allne Wurscht
Da hocked all im Spunte und lösched ihre Durscht

 The easy, fast & fun way to learn how to sing: 30DaySinger.com