Ninna nanna senza pretees

Follow 0 fans

Linda Eileen Spandri

5:03

2 Views

French

 The easy, fast & fun way to learn how to sing: 30DaySinger.com

So gnamò cusè vett i tò occ
Se te caragnet o surideet puséé
In 'sti dé de festa e casott
In che dimension te vivareet te
Senza gnamò savè de quell'orgoglio 
Che premm o dopu rembambirà 'l tò pà
E del miracul che per ogni mamm el fa unica duma una cuna
Nel reparto de l'uspedaa
Cume sarà?
So gnamò quaand te stringet el poeugn
Se gh'è 'n mutiif o se l'è senza reson
In 'sto coold e quièt mees de gioeugn
I hann ciamàà la prima volta el to nomm
A l'è 'l mees che rescolda qu'i fiuur
Che te catareet de ché a'n para d'an
Girotondo de profoeumm e culuur la incumencia la vita
Che te gh'eet tra i man
E a gh'è 'na mota de straad ch'i stann lé
E i specien i pass d'i tò do pescett
E a gh'è 'na mota de ropp che gh'è menga
Ma che vurendo te poedett vedé
Finché te vardett cunt i occ del coeur
E te gh'èèt el coeur de la fantasia
Ch'i te manchen l'amuur e el caluur mai
E un angel a fatt vedé la via
E 'n d'un quaj dé te truareet d'i tempesti
Ma la tua naav la duarà navigà
E certameent dervareet vecc finester
Ma i paesagg i sarann mai stà là
E un fazzulett fai cun l'arcobaleno
Per sugà el cieel che abita in te
Tirando a lucid tra i stell el serenu
Suridareet senza savè perché
E a gh'è 'na mota de straad ch'i stann lé
E i specien i pass d'i tò do pescett
E a gh'è 'na mota de ropp che gh'è menga
Ma che vurendo te poedett vedé
Finché te vardett cunt i occ del coeur
E te gh'èèt el coeur de la fantasia
Ch'i te manchen l'amuur e el caluur mai
E un angel a fatt vedé la via
Perduna se soo menga
La fata d'i tre doni
E se soo buna duma
A scriif i mè canzoni
Inscé, senza pretees
Firmando "la tua mamm"
Te scrivi 'sta speranza
De serenità

 Watch: New Singing Lesson Videos Can Make Anyone A Great Singer