Torno a t'o dicere

Follow 0 fans

Gheto Soffittaman & Alessandro Ruocco

4:11

8 Views

Playlists:

#1

Italian

 Watch: New Singing Lesson Videos Can Make Anyone A Great Singer

Nun può manco immaginà
Vierno che paura te pò ffà
Faccio ancora capa e capa
Cu 'a cuscienza
Pecchè nun tengo pacienza
E saje ca nun saccio cagnà
Dint' a chesta borza tengo ancora
Chella forza
Ca me dà 'a disperazione
Pe nun me fa accapputtà
Ma tu astrigneme e puorteme 'a llà
Chistu tiempo
Porta 'n ganno appiso
Tutto chello ca è succieso
Ma tu 'o saje
Ca 'o core 'e vvòte 'o può accuncià
Pure sultanto cu 'nu surriso
Ca si pò te passa 'o genio
Piglia comme vène
Tutto chello ca te truove
Annanz' 'e piede
E può capì
Comm' 'a vita
Pò dicere 'e sì
E allora
Tu ca arrassumiglie
A chella voglia 'e vulè bbene
Dimme quanno vène 'a primmavera
Pe chi 'e pacchere
S' 'e leva 'a faccia
Tutt' 'e juorne
Pecchè ancora crede
Pecchè ancora crede
Mo ca hé capito
Tutto chello ca provo
Dimme pecchè pure
Si nun me so' maje movuto
Nun saccio manco addò me trovo
Allora torno a t'o dicere
Dimme si nun hé capito
Chello che provo
Statte cu mme
E pure si nun me cride ancora
Dimme si chesti parole
Te parono nòve
Giglio sfrunnato
Da 'o troppo chiovere
Nun t'arraggià
Chello che resta è sultanto póvere
'E 'nu sentimento
Ca nun saccio cuntà
Giglio sfrunnato
Da 'o troppo chiovere 
Votta a passà
Chello che resta è sultanto póvere
'E 'nu sentimento
Ca nun saccio cuntà
Aspiette
È troppo ampresso
Nun te ne saglì
Rieste 'nappoco si staje comoda
Ind'e braccia mie
'E vvòte 'a gelusia serve a c' aunì
'E vvòte c' avutamme  'e malumodo
E saje pò comme va a fernì
Tu piglie calore
E a me 'o core se 'nfòca
Mo ca aggio capito
'O valore 'e 'nu gesto
Ca pe te pò cuntà poco
Immobile m' hé miso in moto
Scatto comme 'na foto
Ma si nun te veco je vaco a rota
E quindi intono
'O voglio ancora
Pecchè senza ammore mòro
Tremma 'a voce
Quanno nun te trovo
Suono doce 'e 'na canzona nova
Resto fermo nun me mòvo
E 'nzieme a me rimmane
Ca rimanno 'sti parole
Forse può capì chello che provo
Pò all' ate che ce vuò spiegà
Che 'a quanno simme Nuje
Me sento forte
M' è turnato 'o genio
'A voglia 'e fà
Me pare ajere
Ma è tant' anne fa
Affacciate fòra 'o mare
Allora sì che vale 'a pena
'E te spusà dimane
Ma chi s' immaginava
'E putè 'ncuntrà 'n anema rara
Cchiù 'e 'n oasi
Ind' a 'nu deserto arido
Si cado saccio ca me tiene 'a mano
E nun vaco in panico
Fòra è 'nu manicomio
Ma a 'stu juoco
Tu si l' asso dint'a maneca
E lasseme credere ca è tutto overo
Dimme ca hè capito
E faccio pace cu 'e penziere
Lasseme credere ca è tutto overo
Dimme ca hé capito
E forse pòzzo arrepusà pure stasera
Mo ca hé capito
Tutto chello ca provo
Dimme pecchè
Pure si nun me so' maje movuto
Nun saccio manco addò me trovo
Allora torno a t'o dicere
Dimme si nun hé capito
Chello che provo
Statte cu mme
E pure si nun me cride ancora
Almeno dimme si chesti parole
Te parono nòve

 Watch: New Singing Lesson Videos Can Make Anyone A Great Singer