Ex-Rapper

Follow 0 fans

Walter Ego & Chillow

4:01

2 Views

Dutch

 Watch: New Singing Lesson Videos Can Make Anyone A Great Singer

Me jeugdidooln zie luszakn gewordn 'k overdrieven nie
Ze leven te comfortabel, eten 7 gangn
Drienkn dr aangepaste wientjes bie
Gif e bitje meer aandacht an muziek misschien
Ken je latste album illegaal gedownload twas tiedverlies
Gin koarte gekocht vo je show in Brussel 
Twa mo 30 euro mo je verdient ze nie
Dwoaze senior MC ziej mien ier dansen
Imme bloten roend e stapel
Van je ploaten en posters in brande
Int midden van de living goedkope chauffage
Ey, gie was e god vo mien vroeger, mo nu niemi
Begonn met schrieven deur joe, mo nu niemi
Zowe zotte toekomstplann, mo nu niemi
Kzie nu zo normaal kiek mo nor ik, uh
Witje wadat is
Geweune doen betaalt totaal nie slicht
Oendanks aal die alledaagse stress
Zelfmoordneigingn en feestn int weekend
Toetdaj neigen name vergit
Alleen an de bar ze zien aal verschrikt
Checkt

Ik zien gin rapper, ex-rapper
Ik zien gin rapper, ex-rapper
Ik zien gin rapper, ex-rapper
Ik zien gin rapper, ex-rapper

Me gebeurvrouw is heel deuregedroid
Tis serieus woa
Ze smiet stroent over uze n'age 
Pets tegen de meure doa
Kzaagnt plakken en kdachtn da gebeurt nie mor ezo
Ze brikt ier zest brievenbussen open met e koevoet
Tegenwoordig elp ik elke nacht 
En ze zegt dak 't wel kweenieoe goed doen
Mens oed je moend toe
Kdoent ut verveling
Kzitn zoender e job zoender goeste vo vele
Te doen met me leven
Goeie reden vo lik vroeger were
Groen t'inhaleren en e tsjoetn te wezen
Vroeg op de playstation
Ze vient da nie zo cool lik me meisje
Mo goed, kgo je nie verveeln met de feiten, nink
Lat us misschien over borsten babbeln of etwadde
We moent ier nie moeilijker maken dan dadde
Ik woarn vroeger e rapper 
Nu mak 't mn eiglek nie ut asse 'n inhoed nie snappen, neen

Ik zien gin rapper, ex-rapper
Ik zien gin rapper, ex-rapper
Ik zien gin rapper, ex-rapper
Ik zien gin rapper, ex-rapper

Ah dus gie ziet e rapper awel kerel toog mien ekir e kunstje
Probeert nu misschien eki twee woorden te riemn 
En te doen lik ofdat e kunst is
Nie te cool nie te technisch mo drtuschn
Met gevoel want nu lig je lik te tukken
Ik bedoeln kuj ebitje minder sucken
Tgo nie goed at da nog aatnt nie zo lukken
Ah gie ziet rapper, awel da's kweenie oe schattig
Mejje Jordans en je klaksje, machtig
Zoek ik misschien ekir e fotootje meugn pakken
Tis nie vo te lachen ook al ziej grappig
F*ck it tis wel vo te lachen eigenlijk
Da mag wel peisk
Assan serieus, vowadde feitlijk
Snap je nu eindelijk da je massa's weinig
Bestoansreden et, massa's pijnlijk
Mor at er iemand is die da verstoat ist ik
En mien Jordans zien al heel lange niemi wit
Alles dak schrievn vienk kweenie oe slicht
En ken aal die forte beats van me schieve gewist
Nu ziek e ex-rapper
Ex-jeugdhusact vor e sandwich en twee 33'ers
Ex vor e vriendendienst nog ekir e 16 op e nieuwe track zetter
Ex zelfpromoter zelfmanager
Gedrag van e sterre Noel Gallagher
Ex leven an de kust noordwestelijk
Met e parasol, met e schuppe en met een emmertje
Ex-rapper ik zeggen 't je
Ex-rapper ik zeggen 't je
Ex-rapper ik zeggen 't je
Ex-rapper ik zeggen 't je

Ik zien gin rapper, ex-rapper
Ik zien gin rapper, ex-rapper
Ik zien gin rapper, ex-rapper
Ik zien gin rapper, ex-rapper

 The easy, fast & fun way to learn how to sing: 30DaySinger.com