Kaal Chakra

Follow 0 fans

Nashwar

2:56

22 Views

Playlists:

#1

Javanese

 The easy, fast & fun way to learn how to sing: 30DaySinger.com

Ruke kadam, chale kalam
Satya khada ho, jhuke bharam
Ajar amar rahe aatma
Prakriti ka yahi niyam

Ang nagan, ghaav naram
Praan vaayu ko kare jatan
Tab karni thi ab bharni hai
Paap punya hi tera karam

Irshya mein jalte hain, dwesh mein palte hain
Chehra koi na dekhe na, mukhaute badalte hain
Kal ke ye bolein kya, halke inhe tolein kya
Khokhla gyaan inka muh apne kholein kya

Girte hain, padte hain, fir jo sambhalte hain
Aankhon mein jazba, na dard kabhi jhalke hai
Janm liya ho sarvasv jeetne ko
Karke naman unke peechey sab chalte hain

Kalchakra...ka pahiya yoon hi chalta jayega
Vidhi ke vidhaan ko tu taal nahi payega
Kalchakra...ka pahiya yoon hi chalta jayega
Niyati mein jo likha hai, wohi to tu payega - 2

Tu samay ki ghadiyan ginta ja
Ladkar mar ja ya zinda ja
Jeevan amulya hai, tu sirf shoonya hai
Sahi jagah ho, fir bahumoolya hai

Ekmaatra bus yahi prashn hai
Dugdh-shwet ya varn krishn hai
Rakt-ranjit deh liye wo
Baan-shaiyya pe pada Bhishm hai

Manavta ka saadhak hoon
Main aatmakatha ka vaachak hoon
Na moh koi ya maaya boyi
Sada yathawat yaachak hoon

Kyun vyarth hi rakhta rahe aham
Kyun vyarth kare jo liya janam
Tu kya khoye tu kya paaye
Ek din hoga sab khaak-bhasam

Nashwar tera ye dambh
Aur jaal kapat ka bhang
Moh maaya ko tyaag re maanush
Kya le jayega sang

Kshanbhar ka na pratibandh
Tu jal-pravaah prachand
Aatma-bodh se vanchit
Tujh mein hai brahmaand anant

Tu badle kya itihaas
Kar aaj mein hi vishwaas
Praan se badhkar pran ho tera
Kar bus yehi prayaas

Pal pal ghat ti har shvaas
Tu kar le ye aabhas
Jeevan-maran ka bhed khule
Jab kaal aaye anayaas...

Kalchakra...ka pahiya yoon hi chalta jayega
Vidhi ke vidhaan ko tu taal nahi payega
Kalchakra...ka pahiya yoon hi chalta jayega
Niyati mein jo likha hai, wohi to tu payega - 2

 Become A Better Singer In Only 30 Days, With Easy Video Lessons!