Quicumque vult (Symbolum Athanasianum) cum ant. Gloria tibi
Verbum Gloriae
Become A Better Singer In Only 30 Days, With Easy Video Lessons!
Glória tibi, Trínitas æquális, una Déitas Et ante ómnia sǽcula, et nunc et in perpétuum Quicúmque vult salvus esse Ante ómnia opus est, ut téneat cathólicam fidem Quam nisi quisque íntegram inviolatámque serváverit Absque dúbio in ætérnum períbit Fides autem cathólica hæc est Ut unum Deum in Trinitáte Et Trinitátem in unitáte venerémur Neque confundéntes persónas Neque substántiam separántes Ália est enim persóna Patris Ália Fílii, ália Spíritus Sancti Sed Patris, et Fílii, et Spíritus Sancti una est divínitas æquális glória, coætérna majéstas Qualis Pater, talis Fílius Talis Spíritus Sanctus Increátus Pater, increátus Fílius Increátus Spíritus Sanctus Imménsus Pater, imménsus Fílius Imménsus Spíritus Sanctus Ætérnus Pater, ætérnus Fílius Ætérnus Spíritus Sanctus Et tamen non tres ætérni Sed unus ætérnus Sicut non tres increáti, nec tres imménsi Sed unus increátus, et unus imménsus Simíliter omnípotens Pater, omnípotens Fílius Omnípotens Spíritus Sanctus Et tamen non tres omnipoténtes Sed unus omnípotens Ita Deus Pater, Deus Fílius Deus Spíritus Sanctus Ut tamen non tres Dii Sed unus est Deus Ita Dóminus Pater, Dóminus Fílius Dóminus Spíritus Sanctus Et tamen non tres Dómini Sed unus est Dóminus Quia, sicut singillátim unamquámque persónam Deum Ac Dóminum confitéri christiána veritáte compéllimur Ita tres Deos aut Dóminos dícere Cathólica religióne prohibémur Pater a nullo est factus Nec creátus, nec génitus Fílius a Patre solo est Non factus, nec creátus, sed génitus Spíritus Sanctus a Patre et Fílio Non factus, nec creátus, nec génitus, sed procédens Unus ergo Pater, non tres Patres Unus Fílius, non tres Fílii Unus Spíritus Sanctus, non tres Spíritus Sancti Et in hac Trinitáte nihil prius aut postérius Nihil majus aut minus Sed totæ tres persónæ coætérnæ sibi sunt et coæquáles Ita ut per ómnia, sicut jam supra dictum est Et únitas in Trinitáte, et Trínitas in unitáte veneránda sit Qui vult ergo salvus esse Ita de Trinitáte séntiat Sed necessárium est ad ætérnam salútem Ut Incarnatiónem quoque Dómini nostri Jesu Christi fidéliter credat Est ergo fides recta ut credámus et confiteámur Quia Dóminus noster Jesus Christus, Dei Fílius, Deus et homo est Deus est ex substántia Patris ante sǽcula génitus Et homo est ex substántia matris in sǽculo natus Perféctus Deus, perféctus homo Ex ánima rationáli et humána carne subsístens Æquális Patri secúndum divinitátem Minor Patre secúndum humanitátem Qui licet Deus sit et homo Non duo tamen, sed unus est Christus Unus autem non conversióne divinitátis in carnem Sed assumptióne humanitátis in Deum Unus omníno, non confusióne substántiæ Sed unitáte persónæ Nam sicut ánima rationális et caro unus est homo Ita Deus et homo unus est Christus Qui passus est pro salúte nostra: descéndit ad ínferos Tértia die resurréxit a mórtuis Ascéndit ad cælos, sedet ad déxteram Dei Patris omnipoténtis Inde ventúrus est judicáre vivos et mórtuos Ad cujus advéntum omnes hómines resúrgere habent cum corpóribus suis Et redditúri sunt de factis própriis ratiónem Et qui bona egérunt, ibunt in vitam ætérnam Qui vero mala, in ignem ætérnum Hæc est fides cathólica, quam nisi quisque fidéliter firmitérque credíderit Salvus esse non póterit Glória Patri, et Fílio Et Spirítui Sancto Sicut erat in princípio, et nunc, et semper Et in sǽcula sæculórum. Amen Glória tibi, Trínitas æquális, una Déitas Et ante ómnia sǽcula, et nunc et in perpétuum
The easy, fast & fun way to learn how to sing: 30DaySinger.com
Citation
Use the citation below to add these lyrics to your bibliography:
Style:MLAChicagoAPA
"Quicumque vult (Symbolum Athanasianum) cum ant. Gloria tibi Lyrics." Lyrics.com. STANDS4 LLC, 2024. Web. 30 Apr. 2024. <https://www.lyrics.com/lyric-lf/6751216/Verbum+Gloriae/Quicumque+vult+%28Symbolum+Athanasianum%29+cum+ant.+Gloria+tibi>.
Discuss the Quicumque vult (Symbolum Athanasianum) cum ant. Gloria tibi Lyrics with the community:
Report Comment
We're doing our best to make sure our content is useful, accurate and safe.
If by any chance you spot an inappropriate comment while navigating through our website please use this form to let us know, and we'll take care of it shortly.
Attachment
You need to be logged in to favorite.
Log In