Þæs ofereode ðisses swa mæg
Æþelruna
The easy, fast & fun way to learn how to sing: 30DaySinger.com
Welund him be wurman wræces cunnade Anhydig eorl earfoþa dreag Hæfde him to gesiþþe sorge and longaþ Wintercealde wræce, wean oft onfond Siþþan hine Niðhad on nede legde Swoncre seonobende on syllan monn Þæs ofereode, þisses swa mæg Beadohilde ne wæs hyre broþra deaþ On sefan swa sar swa hyre sylfre þing Þæt heo gearolice ongietan hæfde Þæt heo eacen wæs; æfre ne meahte Þriste geþencan hu ymb þæt sceolde Þæs ofereode, þisses swa mæg We þæt Mæðhilde mone gefrugnon Wurdon grundlease Geates frige Þæt hi seo sorglufu slæp ealle binom Þæs ofereode, þisses swa mæg Ðeodric ahte þritig wintra Mæringa burg; þæt wæs monegum cuþ Þæs ofereode, þisses swa mæg We geascodan Eormanrices Wylfenne geþoht; ahte wide folc Gotena rices; þæt wæs grim cyning Sæt secg monig sorgum gebunden Wean on wenan, wyscte geneahhe Þæt þæs cynerices ofercumen wære Þæs ofereode, þisses swa mæg Siteð sorgcearig, sælum bidæled On sefan sweorceð, sylfum þinceð Þæt sy endeleas earfoða dæl Mæg þonne geþencan þæt geond þas woruld Witig Dryhten wendeþ geneahhe Eorle monegum are gesceawað Wislicne blæd, sumum weana dæl Þæt ic bi me sylfum secgan wille Þæt ic hwile wæs Heodeninga scop Dryhtne dyre; me wæs Deor noma Ahte ic fela wintra folgað tilne Holdne hlaford, oþ þæt Heorrenda nu Leoðcræftig monn, londryht geþah Þæt me eorla hleo ær gesealde Þæs ofereode, þisses swa mæg
The easy, fast & fun way to learn how to sing: 30DaySinger.com
Citation
Use the citation below to add these lyrics to your bibliography:
Style:MLAChicagoAPA
"Þæs ofereode ðisses swa mæg Lyrics." Lyrics.com. STANDS4 LLC, 2024. Web. 7 May 2024. <https://www.lyrics.com/lyric-lf/8403028/%C3%86%C3%BEelruna/%C3%9E%C3%A6s+ofereode+%C3%B0isses+swa+m%C3%A6g>.
Discuss the Þæs ofereode ðisses swa mæg Lyrics with the community:
Report Comment
We're doing our best to make sure our content is useful, accurate and safe.
If by any chance you spot an inappropriate comment while navigating through our website please use this form to let us know, and we'll take care of it shortly.
Attachment
You need to be logged in to favorite.
Log In