Weischwas II (Diräktufnahm)

Follow 0 fans

Don Friso

5:12

0 Views

Playlists:

#1

German

 The easy, fast & fun way to learn how to sing: 30DaySinger.com

Es send di gliche Problem
Woni emmer weder i verschedne Ziite vernemm'
Also leggi Boxhändsche a ond stiige i Reng
Ond ech ziele en lengge Hogge
Uf das glichlige Chenn scho sit Johre
Well ab ond zue trefi nämlech werklech
Weli weiss, er esch a dere Stell echli empfendlech
Oder sie oder ech oder es
Well mängisch send d'Siite verchehrt ond es esch
Mini eignig Person woni abefuschte
Welli si mängisch eso eifach cha vertusche
Ech has scho tuusig mol dänkt, hondert Mol ufgschrebe
Onzähligi Nächt ke Schlof gfonde ond ufblebe
Jedes Mol di frösch gheilte Wondene ufgresse
Besi denn am nöchste Morge d'Sonne gseh ufbletze
Das send wohl Zykle wo sech wederholed
Ech bruch' schiins ab ond zue mol s'Hüchle ond de weder d'Wohrhet
Strub zwor, well ech ha gmeint, ech has jetzt dorchschaut
Ond scho weder beni so fest abgschweift, dass' mi omhaut
E Rondi ufem Holzwäg dreiht, scho veronfaut
Scho weder e neui Narbe zuegneiht ohni Sortgfaut
Jo, ech werd di gliche Froge weder ghöre
Die Routine rolled hendedöre
Uf de gwohnte Bahne wie uf iserne Schene
Ond ab ond zue risseds mech met ene met
Ech werd di gliche Froge weder ghöre
Die Routine rolled hendedöre
Uf de gwohnte Bahne wie uf iserne Schene
Ond ab ond zue risseds mech met ene met
Das tönt mer noch Sälbstzerstörig
Ond ech säge, ech sueche siit Johrzähnt e Lösig
Ech has scho mol scho mol imene Lied klärt ond beschönigt
E Chärnussag, wommer de Chärn aber gärn mol verlöölid
Scho anderi Lüt hend gfrogt, "wie vell Strosse mues mer abelaufe…?"
Ech froge mech, wie vell Lieder muesi no lose ond denn abtauche
Dameti ultimativ cha chille ändlech
Es blibt mer nämlech schwerig z'säge
Öbi cha iverständlech mini Stemmig präge
Metere positive Ko-Notation
Als wär ech mer sälber de gross Schotzpatron
Aber de beni am Sueche ond ned ufem Wäg om die Störig
Sondern bliibe nor wiit entfärnt zode Versöhnig
Well wenn wotsch sueche, denn werd's der glenge
Aber solang de Wonsch im Chopf chläbt hendenenne
Wersch vermuetli nor no meh Wäge zom vererre fende
Jo, ech werd di gliche Froge weder ghöre
Die Routine rolled hendedöre
Uf de gwohnte Bahne wie uf iserne Schene
Ond ab ond zue risseds mech met ene met
Ech werd di gliche Froge weder ghöre
Die Routine rolled hendedöre
Uf de gwohnte Bahne wie uf iserne Schene
Ond ab ond zue risseds mech met ene met
Ond wenn ech mech loh lo metriisse
Weissi nie so gnau, woni lande
Dass ech der uf de Stell öbbe 50 Grönd chönnt ufzelle
Oder meh - eifach vöu z'vöu zom mech ufrege
Seid jo scho, dass das öbis Gstörts mösst vorussetze
Aber es schiint so, als sig's normal
Wemmer druf igoht uf die Wortwahl
Vo dem Typ, wo do obe setzt ond ke Sekonde wartet
Sondern mech onterbrecht ond met sim sorgbeladne
Angsterföllte Gsecht verzellt vom rote Fade
Loh mer doch eifach mini Secht uf die paar wonderbare Sonnestrahle
Si gänd de letschti Schleff i dere Promenade
Ech ha 'ne Prioritätslischte met mine Problem
Ond jedes, welem ech mech verschrieb', befendet sech det enn
Es esch fast egal, weles dass s'Oberschte esch
Met minere gsamte Achtsamkeit verfolg' ech dech
Well du besch mis gröschte Problem per Definizion also
Kömmer' ech mech nor selektiv om das wo
Grad am meischte brönnt
Die Algorithme, wo mech bes als Tattergreis no ned verlönd
Es esch es Abarbeite wod' erkönnsch
Dass die Lischte niemols chasch bereinige well es chömed
Jo ständig neui uf de Stapel
Ond s oberste werd denn schleunigst zom 'ne Desaschter
Kei Referänzpönkt, im loftlääre Vakuum
Suecht sech de ärnst Mönsch es Schotzgländer i dem Parcour
Woner denn Wösse nennt
Ond sech dra festchlemmt, als wörder söscht vom Gösel verschwemmt
Jo, ech werd di gliche Froge weder ghöre
Die Routine rolled hendedöre
Uf de gwohnte Bahne wie uf iserne Schene
Ond ab ond zue risseds mech met ene met
Ech werd di gliche Froge weder ghöre
Die Routine rolled hendedöre
Uf de gwohnte Bahne wie uf iserne Schene
Ond ab ond zue risseds mech met ene met

 Become A Better Singer In Only 30 Days, With Easy Video Lessons!