Ned d' Frog

Follow 0 fans

Don Friso

4:21

0 Views

German

 Become A Better Singer In Only 30 Days, With Easy Video Lessons!

Z'vell Idröck zom eine ganz bhalte
Z'vell Wederspröch im eignige Verhalte
Ech be mer z'nöch zom peile, was ech verpasse
Chan aber bi der druf zeige, wasd' söttsch besser mache
Wer mer send ond was mer öberhaupt möched
Esch do ned d'Frog, sondern was mer us dem Gösel erkönned
Ond du frogsch dech ärnsthaft, was de Gwönn no verzögert?
Was esch denn s Nöchste wo ködret? Wo dini Böste zerstöred
Wotsches denn werklech no wösse oder wär's höchstens verstörend?
Oder wär das sogar ergendwodöre no schöner?
D' Froge hüfed sech. Met de Wohrhet tüschts sechs ned
Hoffentlech hül' ech met, aber offesechtlech brücht' s das ned?
Ond trotzdem füegeds velecht au nor e Prise Salz bi
Wine riisige Aldi met Bier bimne Alki
Guete USP, passt is Gschäftsmodell
Ond glich wäri hender dere Maske gärn Rebell
Aber die Masse esch z'träg ond z'bequem
Ond elei lohnt sech's ned az'packe ond ech weiss au ned, wenn
Ond wo ond öberhaupt
Ech be glähmt vo so vell Wederspröch drom' glaub'
Ech weder was ech lese, no was ech ghöre oder fühle
Well all die Senne lönd sech betöre oder stüre
Ond das möcheds nämlech au - ech be verwöhnt ond gärn mol blau
Well ech ha mer öbbis gönnt noch dere stränge Wahl
Was ech metem höttige Tag afoh
Aber abgseh vo hött gsesch mi söscht nie bi de Bar astoh
Das hött esch en spezielle Fall
Hesch mi grad verwötscht, wienech am Handy hang'
Z'vell Idröck zom eine ganz bhalte
Z'vell Wederspröch im eignige Verhalte
Ech be mer z'nöch zom peile, was ech verpasse
Chan aber bi der druf zeige, wasd' söttsch besser mache
Vellecht esch d Ziit anderst, e Cheste Wii gstapled
Mer hend vorgsorgt damals ond hend met Eternit ghandlet
Scho siit de Gebort ide Bäder in Kredit badet
Jetzt chonds zrogg, well mer schätzed nömm die Fliessbandarbet
Aber hend jetzt scho zvell, met Fieberglas verkablet
Aber lieber das als ke Arbet
Das tönt doch nochemne miese Deal för was mer zahled
Ond velecht mümer üs das zerst ehrlech inezie bevor mer started
Dass mer was mer beshär gseh hend ächt niemeh öberraged
Ned wiiter förefahred
Mer möched alles, glich semmer wienes föhrigs Rad am Wage
Sueched ide Grössi üs ond anderne Herre ond Dame z'gfalle
Aber stönd i jedere Höchi no voremne lahme aber emmerhen
Einigermasse vegane Wall met Zahle
Imne sorgfältig ufbewahrte Rahme
I dem super alte Wahlverfahre
Si chömed ond gönd i turbulänte Karavane
D'Frog esch, öb'd wotsch ufgompe, öbd' wotsch dem Ruef folge
Öb nor söttsch zueluege, well öbber mues jo ruedere
Schiint so, als chönnt' mer sechs zomendest ussueche
Meinsch hesch öberhaupt en Entscheidigsfreiheit
Oder besch e logischi Konsequänz?
Besch öberzügt, du hesch en Meinig festgleit?
Verlore i de Dekadänz?
Z'vell Idröck zom eine ganz bhalte
Z'vell Wederspröch im eignige Verhalte
Ech be mer z'nöch zom peile, was ech verpasse
Chan aber bi der druf zeige, wasd' söttsch besser mache

 Become A Better Singer In Only 30 Days, With Easy Video Lessons!