Dear Me

Follow 0 fans

Dinah Poetess

Dinah Poetess is a musical artist known for her soulful and powerful vocal performances. With her captivating voice and emotive storytelling, she has gained recognition for her unique blend of R&B, jazz, and spoken word poetry. Dinah Poetess's music reflects her deep introspection and passion for social justice, making her an inspiring and thought-provoking artist. more »

6:16

0 Views

 Become A Better Singer In Only 30 Days, With Easy Video Lessons!

Dear me
Nshuti jyewe
Wowe utantenguha ngo umpunge mfite impungenge
Wowe unyibutsa ubwigenge  ukamfasha ubugenge
Wowe umfasha urugendo no kurugerero ntugerure

Mutimanama nyigisha ngisha inama no mumpaka ntumpe urutoto
Wowe umpakanya utirata ubukaka
Ahubwo ari umurava ngo nkunde nserukane ubwemanshimangire ingiro yawe

Ndagukunda ni impamo yose kabeho nshuti njyewe
Nibutse yaminsi yatsikamije amatsiko
Ngo ejo ukunde uzabone umutsima
Mumutima udatuje ngo ejo bizakunde

Yamajoro waraye
Uraranye intekerezo utajonjora ngo ejo utazajorwa
Ntujujure aho ntakumva
Kuko no mumva uba wumva burya ari twembi

Imba mutima zanjye
Ntamahamba zimpamiriza ko uhambaye

Yego nibyo hari ibi na biriya

Ubushize washize isoni
Uvuga ibyisoni
Untera isoni
Nitwa umushizi wisoni
Inshinzi nandi yurukoza soni

Umutima wanjye uricuza
Numva nteye isoni
No gusohoka munzu nkumva ari imvaho
Ariko wowe nshuti njyewe ntiwamvuyeho

Zamvaho zanyanditseho
Abino basizoye ngo nkwiriye imva
Ntiwamviriye
Warangoroye ntiwancuka
Ngo niyice ncike izince
Waranyicaje uncisha make
Uncengeza ihumure unyibutsa kwikunda

Ncuti njyewe urishema ryanjye

Twatujoro wabyutse
Ngo nubyiruka uzabyubahirwe
Ntanimvano ubona
Ugakataza ntawe uhutaje
Nuguhutaje ukamwitaza ngo atakwitwaza

Ukabira ibyuya
Uri uwubu nibyubu
Utwabitangwa
Ukabikora byombi
Unabizi ko batabyumva

Dear me
Umvirize ndakubarire

Ndagukunda urabizi

No mugihe cyibiza sinzagusiga
Ngo nkize ibindi
No mubandi sinzagusebya
Ngo nkunde nisange mumisango yabo
Nzarinda intego zawe intambwe
Ningiro mbitware umujyo uboneye ni impamo yose

Ariko nawe haribyo ngutumye
Utuze ubyumve

Dore aho tuvuye turahazi
Gusa ahazaza ho hazana ibyaho '
Ibyemezo byacu bigahitamo ibyabyo

Ku isi hariho byinshi
Ngo iyo tubishatse dufataho duke
Cyangwa twinshi
Benshi kubwinshi bashishikarira byinshi
Byinshi muribyo bikaba ntamushinga
Byanashinga ngo bibe yataranto yahembwe kuruta nyinshi

Dear me
Ngusabye gushishoza
Udashishikajwe nubusambo
Uzisange mumisango usibe gusahura
Ngo wisige isura idasanzwe ngo
Ukunde utunge ibidasanzwe

Gutunga ntako bisa biragatunga
Uzaterane utarame
Gusa utahane ibitekerezo byejo heza

Uzirinde gusamara
Ngo usige byose usanganwe
Ngo utahe umutwe wawe
Ari nk'inzu idatuwe

Uzavuge byinsi wumve byinshi cyane
Uzahure na benshi uhuze n'intiranwa

Singusabye kuzatungana
Kuko ngo no muntungane
Habamo intajorwa
No mubihangange hakaba inkwakuzi

Uzagera igihe wumva
Utiyumva nawe ubwawe
Ubwenge bwawe ububure uburuzi
Bazakujora bakwite inzanga
Ninzoga ubwazo zikwange wiyange nawe ubwawe

Gusa bizagufata niwifata
Nkutuye mu karere katagira satani

Ntuzigere ugenekereza
Ngo wigire gabriel malaika waka
Ukiri mu isi uzakosa
Uzavuga uziga
Ngo uzigamiye inzigo
Nuzigura ngo wasamira inzira
Uzakora iki nakiriya
Bahitemo kiriya niki
Nukora kiriya niki
Bahitemo iki nakiriya

Uzikunde ukunde abandi
Wirinde gukunda abandi ngo wikunde
Uzakore ibituma wiyubaha
Icyubahiro uhabwa kingana icyo wiha
Uzasigeho gukandamiza burya ibigiye nibyo biza

Uzasukure roho yawe
Utererane umutima mutindi
Ubutindi ni amaganya akuganisha mugitanda

None nugwa uzirinde kugarama
Mububyutse uzagabana

Dear me
Bisa nakandiko ariko burya nikiganiro cyatwembi

Mbona ahazaza
Nkabona haraka
Gusa niwaka udafite ibitoro
Bitomoye uzatumuka hatarafatwa
Upfubane umwete wari izahabu ihenze

Uzagire intego wirinde inzego
Uziyungure ubwenge aho kwigira ingenge
Uzasome inzandiko inzoga gake
Nubishaka wandike izawe uzamure benshi

Uzace bugufi usibe
Ubiginga uzunguka ubugingo.
Uzararane ingamba
Uzindukane ingendo
Ubuzima ni urugendo
Rwinzitane udafite ikarita
Wakwisanga mu ikarito uyita shato

Dear me
Niwiheba ubona byanze
Uzafate konje ukonjeshe
Umutwe wawe
Uzirinde kwibera umutwaro
Uzibere umutware uwutwarane
Ihame ryagenwe nawe
Niwumva amarira yaje
Uziyongeze nandi
Burya ayo matemba buzi
Ni igisukuzo cyurwo ruhanga
ruhangayitse
Ntuzahangayike ngo wiyite ikigwari
Umunsi uzaba ariyo aganje

Uzayareke asohoke
Nashira ushimangire ubudasubira
Uzibabarire bwangu ntabugugu
Ugundira imbabazi kuriwe
Kubandi ni umutindi

Ntuzatume isi
Iguha isura idasukuye
Ngo uyambare utengamare

Uzahe isi isura wahisemo
Abagusanze basange umusanzu wawe uganje

Uzagandukire umuganda
Wubukungu mugace utuye
Utoranye ibyo wumva
Uvangure ibyo uvuga
Ibyinenge zawe wisanganye
Uzabisangize abandi nkumwihariko wawe

Ese ubundi babwiwe niki ko ibyo bita inenge aribwo buranga?

Ntizakujore ngo wijore
Uzibuke icyo wihariye
Uharanire kugiha abagikwiye

Dear me

Kubaho ni ukubana
Uzabane na bose  gusa usigeho
Aho batabishaka
Uzisige use neza uhumurire inzira
Gusa nugera aho batabasha nkibyo
Ntuzabitaze uzabasekere bahumurirwe nuwo mubavu
Ubacumire umunsi

Dear me
Nubona wamamaye wabaye ikimenya bose
Uzasubire inyuma uzamure abagusukumye ahaterera
Ntuzatererane abo watakambiye
Imbabura yanze kwaka
Kanaka wagutije ikibiriti
Uzamwereke ko hariho gas

Abo wungutse ni ingenzi
Gusa abpo mwamanye ni igihango.

Ariko ubwo uzi uburyo iyo nibutse ko ndiwowe nshisha
Numva nkashinjagira bugagari?

Nkubu iyaba bose babaga wowe
Ngo bumve icyanga cyo kuba wowe?

Ishema untera iyo urimo utwenga
No  mumitwaro rirenze iryo uzi
Ubwo uzi uburyo utwika?

Noneho uburyo ubyoroshya byose
Ukababarira nabatabizi
Nibyo binyemeza ko urenze

Uburyo se ukunda wowe, nawe, nabo utarobanuye?

Dear me
Ukwiye umulinga nibirombe
Uwkiye inyanja nubutaka
Ukwiye ikamba ningoma
Ngaho utuze ugumye umurava uzabibona

 Become A Better Singer In Only 30 Days, With Easy Video Lessons!