Wax dëgg
Meissa Mara
Become A Better Singer In Only 30 Days, With Easy Video Lessons!
Xarit kaay ma wax la samay xalaat Denq ma say nopp Ma toqal ci samay xalaat Gaa ñi, kar nañu dëgg siif, siifaat Ñu jàpp dëgg fàdd, fàddaat Dëgg jib ñu gàntu, gàntuwaat Saaga nañu dëgg, toroxal nañu dëgg, Waaye taxul ba leegi dëgg sëgg Ndax mooy kiy lakk seeni taat Amna ñu dajaal ngemb ngir ñu këf sunuy xel tek ci kaw jaat Suul dëgg, jëmbat jokkoy ibliis ngir mu naat Bari nay kilifa yu jaay seeni baat Di ñaarook ngublang, iblisa leen mey baat Amna ñuy wax di yàq ay baat Ngir jaxase suñuy xel, di ko baamtuwaat Ci sunu Gaal, amna ñu bari-wax, tax a am-baat Ta ku wax-dëgg ñu dëgg sa baat Di nga wax dëgg sax, Yëkëti sa baat Ñu lay artu naan la: "noppil ba laa ñu lay faat" Ñaata doomu-aadama la caabi feete ginnaaw ci lu dul dëgg Lépp rekk ndax li ñu doon ay nitu dëgg Ñaata doomu-aadamaay dunde ribaa Gaaw ci feewale, yakamti xibaar Ta duñu wax mukk lu baax Sa waay, askan wi tànn la, ràng la Bàyyi ñu bare tippoo la, jiital la Nga digg leen aafiya Say kaddu tax ñu naw la, topp la Ngala kon bul waccee say waggu kilifa Lu fen lëndëmal, Dëgg dina ko leeral Bëset mooy wuutu guddi, tey bët set na Ku dëkk ci di wax dëgg nag, ñu nee dof la Séex Anta doy nama firde tey Senegaal ak sowu-jànt nangu nanu ni kangam la Xarit deglul ma wax la samay xalaat Denq ma say nopp ma toqal ci samay xalaat Ay xalaat yu may faral saasu nekk di xalaat Jëw, sos, fen, ñu jël jàpp sanni sa xaj Soobu ci sutura ak teggin ndax ci la jàmm xaj Wa xarit ndax xam nga ne Dëgg a njëkk te moy mujj folliko du tee bés dina ñëw mu falluwaat Daane du tee mu jogaat Fadd ko du tee taxawaat Gaa ñi nag, Su baaxul ci ñoom, ñu suul dëgg Su baaxe ci ñoom, ñu sulli dëgg Jikkooy kawteef, du jikkooy nitu dëgg Lu mu metti-metti bul wor, waxal dëgg Bul saalit, sàmmal sa ngor, bu ci kenn dëgg Waa Mbokk ndax xam nga ni Ku am fit dëgg, xam dëgg, Dëggu teksi, di wax dëgg Te am orma du dox bay rus mbaa di sëgg. Nit nag dina topp xolam ba araftu dëgg Li nu mel a Waral ñu war di bàyyi-xel xel Ndax xel xamna dëgg Ku xamul neel cell Ta soo bëggee lijànti li xew, Da ngay xam ba noppi lu waral li xew xew Ndax dëgg ju rafle baaxul Dem gëstu, wax fa nga war a waxee Wax ba sa wax jottee Wax ta bàyyi di wax Ci jambur ndax loolu du wax Mani nettali neex na Waaye Wax dëgg baax na Àndal ak dëgg ju dëggu, Sa waay Dëgg du la mësa dëgg Nañ labat dëgg, neexal dëgg Ngir mu neexa dekku Doon nitu dëgg Góor yalla dëgg Wax luñu gëm, ta muy dëgg Ca ba muy dëgg Ndax ca dëgg dëgg Yàlla dëgg rek a la bëgg Dëgg nag dina la gindi ci lëndëm Indi la ci dëgg ju sëf dërëm Topp ko, daa xamni moom rek a jar a gërëm Fàtte ko , topp aji-gëm-xërëm Mu jël sa bakkan ak say gët gëlëmal Jàpp say mébét bank, dëgëral Xarit neenañ wax dëgg du wàññi wërsëk Ngala bu jottee na nga ka wax bamu mat sëkk Ta Bul bëgg lu neex nit ba nee doo ko wax dëgg Ngir baax Ngir am lu baax Ngir dundal mbaax Nanu topp Yàlla ak i ndigalam SLAM
Watch: New Singing Lesson Videos Can Make Anyone A Great Singer
Citation
Use the citation below to add these lyrics to your bibliography:
Style:MLAChicagoAPA
"Wax dëgg Lyrics." Lyrics.com. STANDS4 LLC, 2024. Web. 29 May 2024. <https://www.lyrics.com/lyric-lf/8866486/Meissa+Mara/Wax+d%C3%ABgg>.
Discuss the Wax dëgg Lyrics with the community:
Report Comment
We're doing our best to make sure our content is useful, accurate and safe.
If by any chance you spot an inappropriate comment while navigating through our website please use this form to let us know, and we'll take care of it shortly.
Attachment
You need to be logged in to favorite.
Log In