I Grew Up

Follow 0 fans

The Doolichters

3:02

2 Views

 Become A Better Singer In Only 30 Days, With Easy Video Lessons!

South facin, red brick, number twenty
The road full o' cars, nearly always empty
Days o' bein daft an' silly
Readin' the Broons, an' Dennis an 'Oor Wullie

A strip o' land whaur good pals meet
Wiz right oot front across the street
Full o' reams o' dreams fae sunny days
Now that brings back memories
O' a nice wee lad wi a Mum an' Dad
Played a' day, always happy, never sad
Wi ma pal caa'd Scott ower the Gelly Burn
Wee boys wi toys we'd take for a turn

Warriors baith, big bold and brave
Fightin monsters an'dragons
An pittin' bad guys in their grave
Takin chances wi wooden lances
Eh launched it high intae the sky
And eh mind Scott nearly lost his eye
Playin wi matchbox cars then aff fir dinner
An efter that Action Man was a winner

Sometimes we'd no tak onny toys
And wid jist pretend we were twa lost boys
Ha'in an adventure o' oor ain creation
Such wis the beauty o' an imagination
That wisnae hampered by fear or worry
Aw Mum, jist fehv minutes mair
We've got aliens tae bury

One day oor dinner went solid in the fridge
Cos we'd ta'en peeces an juice
And were under the Strathy Bridge
A wee bit wary cos o' the monstrous rats
An look up there, Eh think that's bats
The grown-ups got worried an a bit alarmed
But efter a few hoors
We turned up filthy, but unharmed

Back oot the next day
In shorts an a T Shirt
Back ower the Gelly
And tae play in the dirt

Then we hit oor teens an drifted away
Doin teenager things
Cos it wisnae quite cool to play
Ower the Gelly, getting smelly
We did oor ain things
Maybe watchin the telly

Occasionally I've thought o' the fun we had
It made me smile, but also a little bit sad
I'd go back in an instant to bein' that 5 year old pup
But that isnae possible
Cos I grew up

 Become A Better Singer In Only 30 Days, With Easy Video Lessons!